चितवनमा एक महिला मृत फेला परेकी छन्। दाउरा बेच्न गएकी कालिका नगरपालिका-१ स्थित कमलपुरकी सानुमाया थापा शनिवार मृत फेला परेकी हुन् ।
जिल्ला प्रहरी कार्यालय चितवनका अनुसार, घरबाट दाउरा बेच्न हिँडेकी ५० वर्षीया सानुमाया कालिका नगरपालिका-१ सुन्दरवस्ती स्थित शान्तीमाया लामाको गोठमा दाउराको भारी राखेर आराम गर्ने क्रममा बेहोस भई मृत फेला परेकी हुन्। अहिले घटनाको मुचुल्का उठाएर कानूनी प्रकृया पुरा गरी आवश्यक अनुसन्धान गरिरहेको जनाएको छ।
