अस्ट्रेलियामा चार जना भारतीय नागरिकको मृत्यु भएको छ। अस्ट्रेलियाको भिक्टोरियास्थित फिलिप आइल्याण्डको समुद्र तटमा डुबेर चार भारतीय नागरिकको मृत्यु भएको हो ।
अस्ट्रेलियास्थित भारतीय उच्चायोगले बिहीबार सो जानकारी दिएको हो। यद्यपि, मृत्यु हुने ती भारतीयको सनाखत भने भएको छैन।
‘अस्ट्रेलियामा हृदयविदारक घटना, भिक्टोरियाको फिलिप आइल्याण्डमा डुबेर चार भारतीयको मृत्यु भएको छ।’भारतीय उच्चायोगले ट्वीटरमा लेखेको छ,’पीडितका परिवारप्रति गहिरो समवेदना। हामी पीडित परिवारसँग सम्पर्कमा छौँ।’
