चितवन विशेष
युवा दिवसमा माडीमा भएको वक्तृत्वकला प्रतियोगितामा रश्मी आचार्य पहिलो
चितवन, साउन २७-
२४ औं अन्तर्राष्ट्रिय युवा दिवसको अवसरमा माडीमा भएको खुला वक्तृत्वकला प्रतियोगितामा रश्मी आचार्य पहिलो भएकी छन् ।
जिल्ला युवा समिति चितवनले गरेको ‘समृद्धिका लागि हरित विश्वको महत्व’ विषयक सो प्रतियोगितामा अर्जुन अर्याल दोस्रो, आयुषा ठकुरी तेस्रो र प्रतिमा गुरुङले सान्त्वना स्थान हासिल गरेका हुन् ।
४० वर्ष उमेर सम्मका १२ जना युवाहरुको सहभागिता रहेको सो खुला प्रतियोगितामा प्रथम हुने आचार्यले ४१, दोस्रो हुने अर्यालले ३७, तेस्रो हुने ठकुरीले ३५.५ र सान्त्वना स्थान पाएका गुरुङले ३४ अंक प्राप्त गरे ।
जिल्ला युवा समितिका अध्यक्ष रामचन्द्र लम्सालको अध्यक्षतामा भएको सो प्रतियोगितामा माडीका नगरप्रमुख ताराकुमारी काजी महतोको प्रमुख अतिथि रहेकी थिइन् । कार्यक्रमको प्रवद्र्धकहरुमा माडी नगरपालिका, माडी क्याम्पस, नगर युवा सञ्जाल माडी समृद्धिका लागि युवा अभियान माडी, बसन्तपुर युनाइटेड क्लब र स्टार स्पोर्टस् क्लब रहेका थिए ।