नेपाली कांग्रेसका सभापति शेरबहादुर देउवाले नेपाल तरूण दल विस्तार गरेका छन्। तरूण दल एक सदस्यीय मात्रै थियो। अध्यक्ष विद्वान गुरूङ मात्रै थिए। सभापति देउवाले बुधबार तरूण दल तदर्थ समितिमा ४ सय जनालाई मनोनीत गरेका हुन्।
नेता शेखर कोइराला, महामन्त्री गगन थापालगायत समूहलाई समेटेर सभापति देउवाले तरूण दल विस्तार गरेका हुन्। लामो समयदेखि तरूण दलले महाधिवेशन गर्न सकेको छैन।
