त्रिभुवन विमानस्थलबाट एक जर्मन नागरिक पक्राउ परेका छन् ।
आज (सोमबार) बिहान साढे ५ बजे टर्किस एयरलाइन्सबाट इस्तानबुल जान लागेका ६३ वर्षीय पउल वेर्स्टलाई करिब ७ किलो चरेससहित विमानस्थल सुरक्षा कार्यालयको टोलीले पक्राउ गरेको हो ।
उनले बोकेको सुट्केसबाट ६ किलो ८६० ग्राम चरेस बरामद गरिएको प्रहरी स्रोतले बतायो ।
प्रहरीका अनुसार पउलले बाहिर ठूलो सुट्केसभित्र अरु दुईवटा सुट्केस हालेको र कपडासँगै कालो कार्बनले बेरेर चरेस लुकाएर लैजान लागेका थिए ।
