काठमाडौंको गोकर्णेश्वर नगरपालिका ६ नारायणटारस्थित लामा पेट्रोल पम्प नजिक एक घरमा आगलागी भएको छ । आज राति २ बजे विद्युत सर्ट भएर घरमा आगलागी हुँदा तीन वटा पसल जलेर ४ करोड बढीको क्षति भएको हो ।
आगो नियन्त्रणमा नआउँदा छेउको घरहरुमा आगो सल्किँदा थप १० वटा पसलमा आगालागी भएको काठमाडौं प्रहरी परिसर प्रवक्ता एसपी सिताराम रिजालले जानकारी दिए ।
रामहिटि, काठमाडौं महानगरपालिका, ललितपुर महानगरपालिका र भक्तपुर नगरपालिकाको दमकलले आगो निभाएको थियो । साथै खानेपानीको ट्याङकरले पनि आगो निभाएको थियो ।
