पूर्वीचितवनको खैरहनी नगरपालिका–८ पर्सा बजारमा मुख्य कार्यालय रहेको संस्कार बचत तथा ऋण सहकारी संस्था लिमिटेडको संचालक समितिको अध्यक्षमा पुनः हरिकुमार चौधरी चयन भएका छन् ।
सहकारीको आज (शनिबार) भएको चौथो वार्षिक साधारणसभा तथा प्रथम अधिवेशनले चौधरीको नेतृत्वमा सर्वसम्मत नयाँ नेतृत्व चयन गरेको हो । साकोसको उपाध्यक्षमा विजय चौधरी, सचिवमा प्रणाम चौधरी, कोषाध्यक्षमा धनबहादुर दराई चयन भएका छन् । यस्तै सदस्यहरुमा दिपा श्रेष्ठ, दीपेन्द्र चौधरी र रमेश श्रेष्ठ चयन भएका छन् ।
अधिवेशनले विभिन्न समितिको संयोजक र सदस्यहरु समेत सर्वसम्मत चयन गरेको छ । लेखा समितिको संयोजकमा दिपनारायण चौधरी, सदस्यहरुमा छनुवा चौधरी र मनोज चौधरी चयन भएका छन् ।
यसअघि साधारणसभामा आर्थिक प्रतिवेदन र विभिन्न प्रस्तावहरु सर्वसम्मत रुपमा पारित गरिएको थियो । कार्यक्रममा उत्कृष्ट कर्मचारी, असल बचतकर्ता, बाल बचतकर्ता विभिन्न विधामा उत्कृष्टहरुलाई नगदसहित सम्मान गरिएको थियो ।
