नेकपा (एमाले)का अध्यक्ष केपी शर्मा ओलीले सत्ता गठबन्धन दलसँग आ–आफ्नै घोषणापत्र छ र सरकार बने कसको कार्यान्वयन गर्ने प्रश्न उठाउनु भएको छ ।
आज बाग्लुङमा आयोजित चुनावी सभालाई सम्बोधन गर्दै गठबन्धन मिलेर निर्वाचनमा होमिए पनि आ–आफ्नै घोषणापत्र छ। उनीहरूले सरकार बनाउँदा कसको घोषणापत्र कार्यान्वयन गर्छन् ?’, ओलीले प्रश्न गरे, ‘गठबन्धन दलहरूसँग नीति, सिद्धान्त र कार्यक्रम छैनन्। जनता अल्मलाउने, सरकार कब्जा गर्ने। कब्जा गरेपछि जनतातर्फ नहेर्ने।’
पूर्वप्रधानमन्त्रीसमेत रहेका ओलीले जेष्ठ नागरिक र महिलाहरूलाई सामाजिक सुरक्षा भत्ता प्रदान गर्ने नीति एमालेले लिएका कारण मुलुकमा यसैको सरकार आवश्यक भएको दाबी गरे। उनले एमाले नेतृत्वको सरकार बने पूर्व–पश्चिम राजमार्गको स्तर उन्नति हुने बताए।
