चितवनको माडी नगरपालिकाको मेयर र उपमेयरका लागि एक/एक जनाको उम्मेद्वारी दर्ता भएको छ ।
आइतबार नागरिक राष्ट्रिय पार्टीबाट मेयरमा पूर्णप्रसाद सुवेदी र उपमेयरमा सीता कुमारी बोटले उम्मेद्वारी दर्ता गराएको निर्वाचन अधिकृत चुडामणि शर्मा गौतमले जानकारी दिए । यस्तै सोही पार्टीबाट वडा नं.३ को अध्यक्षमा मदन शाहा, सदस्यहरुमा सविता महतो र सलमा महतोले उम्मेद्वारी दर्ता गराएका छन् ।
यस्तै वडा नं.६ को अध्यक्षमा स्वतन्त्र रुपमा गौरीशंकर ढकालले उम्मेद्वारी दर्ता गराएको निर्वाचन अधिकृत गौतमले जानकारी दिए । सत्तारुढ गठबन्धन र नेकपा (एमाले)ले उम्मेद्वार तय नगरिसकेकाले आइतबार उम्मेद्वारी दर्ता गरेनन् । भोलि अन्तिम दिन सबै दलहरुले उम्मेद्वारी दर्ता गराउने तयारी छ ।
