चैत मसान्तसम्म मेलम्चीको खानेपानी काठमाडौं ल्याउने आयोजनाका साथ काम भएपनि पानी काठमाडौँ नआउने भएको छ ।
आयोजनाका एक अधिकारीका अनुसार मुहानबाट मूल सुरुङमा अझै पानी भर्न सुरु नगरिएकोले चैत मसान्तसम्म पानी काठमाडौँ नआउने भएको हो ।
गत असारमा आएको बाढीको कारण क्षतिग्रस्त भएको आयोजनालाई सुरुङ खाली गर्न प्राविधिक कठिनाइ परेको छ । आयोजनाको मुहान क्षेत्रको सुरुङमा अनुमानभन्दा बढी लेदो भेटिएको आयोजनाका अधिकारीको भनाई छ ।
त्यस्तै बाढीको जोखिमले असारबाट तिहारसम्म फेरि सुरूङ बन्द गर्नु पर्ने भएकाले लामो समय मेलम्चीको पानी उपयोग गर्न पाइने अवस्था छैन् ।
