विराटनगर , फागुन २९-

शुक्रबार साझ घर नजिकैको घारीमा अचेत अवस्थामा भेटिएकी नाबालिकाको मृत्युको पक्ररणमा प्रहरीले स्थानीय दुई जनालाई प्रकाउ गरेको छ ।

मोरङको सुन्दरहरैचा–७ की २१ महिने एक बालिकाको शनिबार बिहान उपचारको क्रममा नोबेल मेडिकल कलेज विराटनगरमा मृत्यु भएको हो ।

जिल्ला प्रहरी प्रमुख एसपी जनार्दन जीसीले प्रकाउ परेका दुई युवकलाई आज पत्रकार सम्मेलन गरी सार्वजनिक गर्ने जानकारी दिए ।

उक्त घटना शंकास्पद भएको र बलात्कारका कारण मृत्यु भएको हुन सक्ने भन्दै प्रहरीले अनुसन्धानलाई तीव्रता दिएको थियो ।