कोपा अमेरिका फुटबल प्रतियोगितामा अर्जेन्टिनाले पहिलो जित हासिल गरेको छ । शनिबार विहान भएको समूह ‘ए’ को खेलमा अर्जेन्टिनाले उरुग्वेलाई १(० गोलले पराजित गरेको हो।
अर्जेन्टिना यसअघि पहिलो खेलमा चिलीसँग १-१ गोलको बराबरीमा रोकिएको थियो। शनिबार अर्जेन्टिनाको जितमा खेलको १३ मिनेटमा रोद्रिगेजले गरेको गोल निर्णायक सावित भयो । उनले मेसीले उपलब्ध गराएको क्रसमा हेडमार्फत गोल गरेका थिए।
जितसँगै अर्जेन्टिना समूह ‘ए’ मा चार अंक जोड्दै शीर्ष स्थानमा उक्लिएको छ। कोपा अमेरिकामा अर्जेन्टिना र उरुग्वेबीचको यो ३२ औं भिडन्त हो।
जसमा अर्जेन्टिनाले १४औं जित हात पारेको छ । उरुग्वेले १३ खेलमा जित हात पारेको छ। ५ खेल बराबरीमा सकिएका छन्। एजेन्सी
