अविरल वर्षाका कारण चितवनका ठूला नदी राप्ती र नारायणीमा पानीको सतह बढ्दै गएको छ । सोमवारदेखि नै पानी निरन्तर परिरहेकाले अझै पानीको सतह बढ्ने अनुमान गरिएको छ ।
पानीको सतह बढ्दा भरतपुर महानगरपालिका वडा नं.२६ र २८ मा नारायणी नदीले कटान सुरु गरेको वडा नं. २६ का वडाध्यक्ष ज्ञानप्रसाद खनालले जानकारी दिए । उनले नदी वरपरका वासिन्दालाई सचेत अवस्थामा बस्न भनिएको जानकारी दिए ।
नदीको कटानलाई रोक्न ठूलाठूला ढुंगा ल्याएर राख्ने क्रम चलिरहेको बेला बाढी आएकाले काम प्रभावित भएको र जोखिम बढेको उनको भनाइ छ ।
