लियो क्लब अफ भरतपुर युथले माडी नगरपालिकामा बसोबास गर्ने विपन्न समुदायलाई खाद्यान्न सहयोग गर्ने भएको छ । क्लवले असार १ गते चितवनको दक्षिणमा रहेको माडी नगरपालिकाको वडा नं ७ र ८ का विपन्न, सिमान्तकृत चेपाङं समुदायलाई खाद्यान्न सहयोग गर्न लागेको हो ।
क्लवका अध्यक्ष दिपेश ज्ञवालीका अनुसार कम्तीमा पनि ११० भन्दा बढी परिवारहरुलाई क्लवले खाद्यान्न सहयोग गर्न लागेको हो । खाद्यान्नको साथै क्लवले दुवै वडाका ३० युवालाई कृषी कार्यमा सहजको लागि कोदाली पनि वितरण गर्ने भएको छ ।
चितवनका सामाजिक अभियान्ता तथा चिकित्सक सुवास बस्नेतको पहलमा क्लवले हालसम्म २ लाख रुपियाँ रकम सहयोग उठाएको छ । खाद्यान्नको लागि २ लाख भन्दा धेरै खर्च लाग्ने बस्नेतको अनुमान छ । आवश्यक बाँकी रकम संकलन हुने गरी आर्थिक संकलन कार्य अघि बढाएको उनले बताए । बस्नेतले सामाजिक संजालमार्फत विभिन्न सामाजिक व्यक्तिहरुबाट रकम जुटाएका हुन् ।
