कालिका
चितवनको रोदिज्ञा स्पोर्टस फुटबल क्लबले दियो १० परिवारलाई राहत
चितवन, जेठ २८
सरकारबाट कुनै राहतको प्याकेज नआएको भन्दै रोदिज्ञा स्पोर्टस गैडाखोला ११ फुटबल क्लबले १० परिवारलाई राहत वितरण गरेको छ । कालिका नगरपालिका ७ मा बसोबास गर्ने अति विपन्न १० परिवारहरुलाई क्लवले सहयोग गरेका हुन् ।
कोभिड १९ का कारण देशभर लकडाउन भैरहेका बेला जोखिममा रहँदा पनि सरकारले कुनै वास्ता नगरेको भन्दै क्लबले राहत सहयोग गरे ।रोदिज्ञा स्पोर्ट्स गैँडाखोला ११ का फुटबल क्याप्टेन सफल भण्डारी , गोलकिपर प्रदीप भण्डारी, खेलाडीहरु सागर ठकुरी, साजन ठकुरी, क्लबका सदस्यहरु ललित मगर, धिरज रायमाझी सागर कुमाल र क्लबका म्यानेजर दिवस मगर लगायतले संयुक्त रूपमा राहत सामग्री वितरण गरेका थिए ।
एक परिवारलाई २० केजि चामल , १ लिटर खाने तेल, एक प्याकेट नुन, आधा किलो सोयाबिन, र २ केजि चिउरा बितरण गरेको थियो । क्लबले आगामी दिनहरुमा पनि कालिका नगरपालिकाभित्र बसोबास गर्ने अति विपन्न परिवारहरुका लागि सक्दो सहयोग जारी राख्ने क्लबका म्यानेजर दिवस मगरले जानकारी दिए ।
पछिल्लो समय चितवनमा संचालित गोल्डकपमा सर्वाधिक उपाधी जित्न सफल रोदिज्ञा स्पोर्ट्स गैँडाखोला ११ का टिम मेनेजर मगरले खेलाडीहरुकै इच्छा बमोजिम आफ्नो क्लब सामाजिक कार्यमा अग्रसर रहेको र आगामी दिनहरुमा अझै बढी सामाजिक क्षेत्रमा आँफुहरु लागि पर्ने बताएका हुन् ।