चितवनमा लागुऔषध गाँजासहित एक युवक पक्राउ परेका छन् । राप्ती नगरपालिका १ बस्ने २२ वर्षीय शिखर प्रजालाई जिल्ला प्रहरी कार्यालय चितवनले आज पक्राउ गरेको हो ।
जिल्ला चितवन कार्यालयका प्रवक्ता तथा सुचना अधिकारी सरोज गिरीका अनुसार राप्ती नगरपालिका १ स्थित दुविचौर झ्याललाचौरमा डेरामा बस्ने शिखरले प्रतिबन्धित गाँजा संचय गरी बिक्रि बितरण गरेको सुचना प्रहरीलाई आएको थियो ।
प्रहरी अधिकृतसहितको टोली खटी शिखरलाई पक्राउ गरिएको गिरीले जानकारी दिए । शिखरको कोठाबाट लागुऔषध जस्तो देखिने चिजवस्तु ९ सय ग्राम भेटिएको प्रवक्ता गिरीले बताए ।
