जिल्ला प्रहरी कार्यालय चितवनले ३१ थान मोबाइल फेला पारी सम्बन्धित व्यक्तिलाई हस्तान्तरण गरेको छ । मंगलबार मात्र प्रहरीले २५ थान मोवाइल सम्बन्धित व्यक्तिलाई हस्तान्तरण गरेको हो ।
हराएको मोबाइल प्राप्त गरेकाहरुले खुसी व्यक्त गर्दै प्रहरीलाई धन्यबाद दिएका थिए । यस आर्थिक बर्षमा मात्र चितवन प्रहरीले ११० थान मोबाइल फेला पारेको छ । जसमा १०५ थान सम्बन्धित व्यक्तिलाई हस्तान्तरण गरिसकेको जिल्ला प्रहरी कार्यालय चितवनका प्रवक्ता सुर्यबहादुर थापाले जानकारी दिनुभयो ।
