खैरहनी
किसानलाई चेम्बरले दियो कुखुरापालन सम्बन्धी तालीम
०
चितवन, माघ १२–
खैरहनी नगरपालिकाभित्र रहेका कुखुरापालक किसानहरुलाई कुखुरापालन सम्बन्धी तालीम दिइएको छ ।
खैरहनी चेम्बर अफ कमर्सले सोमबार उनीहरुका लागि एक दिने तालीम दिएको हो । सानो लगानीबाट व्यवसाय सुरु गरेका किसानहरुलाई पूर्ण रुपमा कुखुरापालन सम्बन्धी ज्ञान नहुने हुँदा तालीम आयोजना गरिएको चेम्बर अफ कमर्सका उपाध्यक्ष उत्तम अधिकारीले बताए । ३९ जना पशुपालक किसानहरु सहभागी तालीममा डाक्टरद्धय सरोज पराजुली र रविन राउतले चल्ला ब्रिडिङ, जैविक सुरक्षा, रोग पहिचान, नयाँ खोर निर्माण, दाना, पानी व्यवस्थापन, भ्याक्सिन प्रयोग लगायतका विषयमा प्रशिक्षण दिएका थिए ।
खैरहनी चेम्बर अफ कमर्सका अध्यक्ष प्रकाश श्रेष्ठको अध्यक्षतामा भएको तालीमको उद्घाटन शत्रमा वरिष्ठ उपाध्यक्ष चन्द्रकुमारी चौधरीले स्वागत मन्तव्य तथा सचिव केशव लम्सालले कार्यक्रम संचालन गरेका थिए ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
छुटाउनु भयो कि?
>