नवलपुरको मध्यविन्दुमा एक जना पुरुष मृत अवस्थामा फेला परेका छन् ।
जिल्ला प्रहरी कार्यालय नवलपरासी पूर्वले दिएको जानकारी अनुसार ६५ वर्षका सुवास गुरुङ मृत अवस्थामा फेला परेका हुन् ।
प्रहरीका अनुसार वडा नम्बर १२ बेलहानी स्थित भित्री सडक खण्डको नालामा बुधबार बिहान ८ बजेतिरको समयमा स्थानीयले शव देखेपछि प्रहरीलाई खबर गरेका थिए ।
मृतक गुरुङ अन्यत्रबाट आएर माग्दै डुल्दै हिड्ने व्यक्ती रहेको र हिड्ने क्रममा लड्दा ढुङ्गामा टाउको ठोकिन गई चोट लागेर नालामा खसेको प्रहरीले जनाएको छ । प्रहरीले शवको मुचुल्का उठाई पोष्टमार्टमका लागि चोरमारा प्राथमिक स्वास्थ्य चौकीमा राखेको जनाएको छ ।
