नेपाल कम्युनिस्ट पार्टी (नेकपा) मा आन्तरिक विवाद चुलिएपछि गुटगत भेलाहरु बाक्लिएको छ ।
नेकपा अध्यक्ष पुष्पकमल दाहाल ‘प्रचण्ड’ले खुमलटारमा आफूनिकट स्थायी समिति सदस्यसँग छलफल गरेका छन् ।
भोलि बस्ने स्थायी कमिटी बैठक बारेमा रणनीति बनाउन तत्कालीन माओवादी केन्द्र निकट नेताहरुलाई बोलाएर उनले छलफल गरिरहेको स्रोतले जनाएको छ । सो बैठकमा स्थायी कमिटीका सदस्य लेखराज भट्ट र रामबहादुर थापा बादलको भने उपस्थित नरहेको बताइएको छ ।
पूर्वमाओवादीहरू छिन्नभिन्न भएको भन्दै प्रचण्डले स्थायी समिति सदस्यलाई खुमलटार बोलाएका हुन् ।
स्थायी कमिटीको बैठक पटक पटक सर्दै आइरहेको छ । आइतवार बस्ने भनिएको स्थायी कमिटीको बैठकलाई मंगलवार सारिएको छ ।
