सरकारले कोरोना भाइरस (कोभिड–१९)संग लडिरहेका स्वास्थ्यकर्मीहरुको सम्मानमा वैशाख २५ गते साँझ ७ बजे दीप प्रज्वलन गर्न आह्वान गरेको छ ।
मंगलबार बसेको कोरोना रोकथाम तथा नियन्त्रण उच्च स्तरीय समितिको बैठकले कोरोना रोकथाम र उपचारमा खटिएका स्वास्थ्यकर्मीको सम्मानमा दीप प्रज्वलन गर्न आह्वान गरेको हो ।
२५ गते वुद्धजयन्ती पनि परेको छ । सोही अनुरुप पनि दीप प्रज्वलन गर्न आह्वान गरिएको एक मन्त्रीले जानकारी दिए ।
