सरकारले कोरोना नियन्त्रणका लागि विभिन्न कामहरु अगाडि बढाइरहेका बेला स्थानीय तहहरुले समेत नयाँ नयाँ काम गर्न थालेका छन् । जस स्वरुप काठमाडौं महानगरपालिकाले कोभिड १९ नियन्त्रण र रोकथामका लागि १० करोड रुपैयाँ बराबरको कोष स्थापना गरेको छ ।
महानगरका नगर प्रमुख विद्यासुन्दर शाक्यकले कोरोना फैलन नदिन र फैली हाले नियन्त्रणका लागि महानगर पूर्व तयारी स्वरुप कोष निर्माण गरेको बताए । उनले यस कोषबाट महानगरपालिकाका साना, मझौला र ठूला वडाहरुलाई क्रमशः २ लाख, ३ लाख र ४ लाख रुपैयाँका दरले बजेट निकाशा गर्ने बताए ।
महानगरले विभिन्न स्थानमा स्वास्थ्य जनशक्तिसहित हेल्प डेस्क स्थापना गर्ने र निःशुल्क मास्क तथा सेनिटाइजर वितरण गर्ने मेयर शाक्यले बताए ।
