ओमानमा जारी पाँच देशीय टि–ट्वान्टी सिरिज अन्तरगत तेस्रो खेलमा नेपालले अहिले टेष्ट राष्ट्र आयरल्याण्डसंग प्रतिस्पर्धा गरिरहेको छ । जारी खेलमा आयरल्याण्डले नेपालसामु १४६ रनको लक्ष्य पेश गरेको छ । टस जितेर पहिले व्याटिङ गरेको आयरल्याण्डले निर्धारित ओभरमा ८ विकेट गुमाउँदै १४५ रन बनायो । उसका लागि पाउल स्टर्लिङले ५९ र बलब्रिनले ३८ रन बनाए । नेपालका लागि सन्दीप लामिछाने र अभिनाष बोहराले समान २ विकेट, करन केसी र ललित नारारयण राजवंशीले समान एक विकेट लिए । ७ रनमा पहिलो विकेट गुमाएको आयरल्याण्डले सुरुवाती १० ओभरमा बलियो प्रदर्शन गरेको थियो ।
