कालिका

कालिका नगरपालिकामा साउनदेखि अनलाइनबाट राजस्व संकलन

Banner

कालिका, असार २१-

कालिका नगरपालिकाले आगामी साउन १ गतेदेखि अनलाइन मार्फत् राजस्व संकलन सुरु गर्ने भएको छ ।

नगरपालिकाको काम सूचना प्रविधिसँग जोड्दै सो नगरपालिकाले वडा कार्यालय तथा नगरपालिकाको कार्यालयबाट अनलाइन प्रणालीबाट राजस्व संकलन सुरु गर्न लागेको मेयर खुमनारायण श्रेष्ठले जानकारी दिए । वडाबाट अनलाइन मार्फत् राजस्व संकलनको काम सुरु भएपछि टाढाबाट राजस्व बुझाउन नगरपालिकाको कार्यालयमा आउनु पर्ने बाध्यताको अन्त्य हुने मेयर श्रेष्ठले बताए । अनलाइन मार्फत् राजस्व संकलनको लागि नगरपालिकाले सम्पती तथा भूमिकर आयसम्बन्धी तालिम शनिबारदेखि सुरु गरेको छ ।

नगरपालिकाका कर्मचारीहरुको लागि तीन दिने तालिम सुरु भएको लेखा अधिकृत ऋषि कडुवालले जानकारी दिए । तालिमको उपमेयर कमला भट्टराईले उद्घाटन गरेकी हुन् । तालिममा वडा सचिव र नगरपालिकाको राजस्व शाखाका काम गर्ने कर्मचारीहरुको सहभागिता रहेको छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

छुटाउनु भयो कि?

>