नवलपरासी

मर्चहवामा भवनले च्याप्दा एक जनाको मृत्यु

Banner

ज्ञानु पंगेनी,

नवलपरासी, असार १५–

नवलपरासी पश्चिमको सुस्ता गाउँपालिका–३ मर्चहवामा सार्वजनिक भवन भत्किँदा च्यापिएर एक वृद्धको घटनास्थलमै मृत्यु भएको छ ।

जिल्ला प्रहरी कार्यालय नवलपरासी पश्चिमले दिएको जानकारी अनुसार मृत्यु हुनेमा ६५ वर्षीय स्थानीय किशुन बिन रहेका छन् । मृत्यु हुने बिन करिब एक महिनादेखि सोही सार्वजनिक भवनमा बास बस्दै आएका थिए । पूर्णरूपले जीर्ण अवस्थामा रहेको मर्चहवाको भवन वर्षाका कारणले भत्किदा भवनको छतमा सुतिरहेको बिनको च्यापिएर मृत्यु भएको प्रहरीले जनाएको छ ।

सार्वजनिक भवनमा पहिला शिव शम्भु आधारभूत विद्यालय रहेको थियो । विद्यालय सुस्ता–३ रेतामा संचालन भएपछि यो विद्यालय सार्वजनिक भवन बनेको थियो ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>