काठमाडौं – फिल्म ‘यात्रा’ युनिटले चलचित्रको ट्रेलर हेरेर उत्तर मिलाउने दर्शकलाई एक लाख रुपैयाँ पुरस्कार दिने घोषणा गरेको छ ।
निर्माण टिमका अनुसार दर्शकले ट्रेलर हेरेर यात्रा फिल्मकी पात्र तपस्याले कसरी आँखा गुमाइन् भन्ने प्रश्नको उत्तर पठाएर कार्यक्रममा सहभागिता जनाउन सक्नेछन् ।
यो फिल्म आउँदो शुक्रबारबाट प्रदर्शनमा आउँदैछ । प्रतियोगितामा भाग लिन यस्तो पक्रिया अपनाउनुपर्ने आयोजकले जनाएको छ ।
चलचित्र ‘यात्रा’मा गायिका तपस्याले कसरी दृष्टि गुमाइन् ? कृपया तल दिइएका मध्ये एक उत्तर रोज्नुहोस्:
१. उनी दृष्टिविहीन छैनन् । उनले अभिनय मात्रै गरेकी हुन् ।
२. उनी दुर्घटनामा परिन् र टाउको ठोक्किँदा दृष्टि गुमाइन् ।
३. उनले प्रशस्तै टिभी हेरिन् र हरियो सागसब्जी खाइनन् ।
४. उनी जन्मजात दृष्टिविहिन हुन् ।
५. कसैले यस्तो बनाइदिए, किनकी तपस्याले उनीहरुको गैरकानुनी क्रियाकलाप (हत्याबाहेक) देखेकी थिइन् ।
६. कसैले यस्तो बनाइदिए किनकी तपस्याले उनीहरुले कसैलाई हत्या गरिरहेको देखेकी थिइन् ।
७. माथिका कुनै पनि होइनन् ।
प्रतियोगिताका नियमहरुः
१. ‘यात्रा’ चलचित्रका कुनै पनि टिम तथा प्राविधिक पक्षका व्यक्ति यसमा भाग लिन पाउने छैनन् ।
२. एकभन्दा बढी उत्तरहरु स्वीकार्य छन् तर सबैभन्दा अन्तिम जवाफले अघिल्ला जवाफहरुलाई विस्थापित गर्नेछन् । सबैभन्दा अन्तिम जवाफ मान्य हुनेछ ।
३. एकभन्दा बढी व्यक्तिहरुको सही उत्तर भएमा लक्की ड्रद्वारा भाग्यशाली विजेता घोषणा प्रदान गरिनेछ । लक्की ड्रलाई फेसबुकबाट लाइभ प्रसारण गरिनेछ ।
३. प्रतियोगताको समय नेपाली समयअनुसार १२ अप्रिल, शुक्रबार बिहान ८ बजे सकिनेछ र पुरस्कार घोषणा ३ मे २०१९, शुक्रबारको दिन हुनेछ, जसलाई फेसबुकबाट प्रत्यक्ष प्रसारण गरिनेछ ।
४. प्रतियोगितामा संसारका जोकोहीले पनि भाग लिने सक्नेछ । यदि भाग्यशाली विजेता नेपालबाहिरको भएमा, विजेताले तोकेको व्यक्ति वा नेपालको कुनै गैरनाफामुलक संस्थालाई पुरस्कार प्रदान गरिनेछ ।
५. यो प्रतियोगिता रमाइलोको लागि गरिएको हो । त्यसैले कृपया तपाईंको साथी र परिवारसँग शेयर गर्नुहोस् र रमाइलो गर्नुहोस् ।
