संयुक्त अरब इमिरेट्सको आबुधाबीमा ब्यालिस्टिक मिसाइलको अवशेष खस्दा दुई जनाको मृत्यु भएको छ ।
स्थानीय प्रशासनका अनुसार उक्त अवशेष शहरको पूर्वी क्षेत्रमा पर्ने स्वीहान स्ट्रिटमा खसेको थियो । यसले थप तीन जनालाई घाइते बनाउनुका साथै केही सवारी साधनमा क्षति पुर्याएको बताइएको छ । मृतकहरूको पहिचान भने अझै खुलाइएको छैन ।
पश्चिम एशियामा जारी द्वन्द्वका बीचमा इरानले यूएईमाथि व्यापक प्रतिकारात्मक आक्रमण गरिरहेको छ ।
बिहीबार बिहानैदेखि इरानी मिसाइल र ड्रोनहरू अवरोध गरिएको जानकारी अधिकारीहरूले दिएका छन् । घटनाको क्रममा रातभर अबुधाबीमा ठूलो विस्फोटजस्ता आवाजहरू सुनिएको स्थानीय सञ्चारमाध्यमहरूले जनाएका छन् । एजेन्सी
