इरानको मार्काजी प्रान्तमा अमेरिकी र इजरायली सेनाको अलग–अलग आक्रमणमा कम्तीमा ५ जनाको मृत्यु भएको छ । यी आक्रमणमा अरू सात जना घाइते भएको भन्दै मेह्र न्युज एजेन्सले समाचार छापेको छ । पहिलो आक्रमणमा अराक सहर वरिपरि रहेको आवासीय क्षेत्रमा हमला भएको थियो ।
मार्काजी प्रान्तका अधिकारीलाई उद्धृत गर्दै समाचारमा कम्तीमा चार जनाको मृत्यु भएको जनाएको छ । मृतक सङ्ख्या अझ बढ्न सक्ने सम्भावनाको सङ्केत पनि यसमा गरिएको छ ।
दोस्रो आक्रमणमा मार्काजीको महलत सहरको आवासीय भवन लक्षित गरिएको थियो । यसमा एक जनाको मृत्यु भएको छ भने सात जना घाइते भएका छन् । एजेन्सी
