सुडान र चाडको सीमास्थित अद्रे नाकामा भएको शक्तिशाली ड्रोन आक्रमणमा ५ महिलासहित १३ जना सर्वसाधारणको ज्यान गएको छ। अल जुनैना आपतकालीन कक्षको समन्वय परिषद्का अनुसार ड्रोनले नाकालाई लक्षित गरी चारवटा मिसाइल प्रहार गरेको थियो। आक्रमणमा परी अन्य ५ जना गम्भीर घाइते भएका छन्।
यो आक्रमणले सीमा क्षेत्रमा रहेको इन्धन बजारलाई पूर्ण रूपमा ध्वस्त पारेको छ। मिसाइल प्रहारबाट त्यहाँ पार्किङ गरी राखिएका नागरिकका सवारी साधनहरूमा ठूलो क्षति पुग्नुका साथै ठूलो परिमाणमा रहेको खाद्यान्न आपूर्तिसमेत जलेर नष्ट भएको परिषद्ले जनाएको छ। मारिने सबै व्यक्तिहरू साना व्यापारीहरू हुन्, जसले दैनिक जीविकोपार्जनका लागि चाडको अद्रे सहरबाट परम्परागत गाडामा इन्धन र खाद्यान्न ओसारपसार गर्ने गर्दथे।
द्वन्द्वग्रस्त यस क्षेत्रमा भएको पछिल्लो हिंसाले मानवीय संकट थप गहिरिएको छ।एजेन्सी
