पश्चिम नवलपरासीको दाउन्ने क्षेत्रमा गाडी चिप्लिँदा राजमार्गमा सवारी आवागमनमा कठिनाई भएको छ। बिहान परेको सामान्य वर्षापछि सडक चिप्लो बनेका कारण सवारीसाधन चिप्लिएर सहज रुपमा यातायात चल्न सकेका छैनन ।
जिल्ला प्रहरी कार्यालय पुर्वी नवलपरासीका अनुसार बिहान करिब ७ बजेदेखि राजमार्गमा आवागमन प्रभावित भएको छ। विनयि त्रिवेणी गा।पा। वडा नं २ दाउन्ने स्थित किरण होटल नजिकै सडक भासिएको ठाउँमा लगातार बर्षाका कारण सडक सतह चिप्लो भइ सवारी साधन आवतजावतमा समस्या भएकोले करिब १५० वटा गाडी दुइतर्फी क्युमा रहेको र बाटो खुलाउन पहल भईरहेको प्रहरीले जनाएको छ।
निर्माणाधीन दाउन्ने सडक खण्डमा धुलाम्मे सडकमा पानी परेपछि सडक अत्यन्तै चिप्लो बनेको र त्यसका कारण सवारीसाधन सञ्चालनमा समस्या भएको हो । सडक चिप्लो हुँदा विशेषगरी भारी सवारीसाधन सञ्चालन गर्न कठिन भएको बताइएको छ।
