शुक्रबार मेक्सिकोमा आएको ६ दशमलव ५ म्याग्निच्युडको भूकम्पमा परेर कम्तीमा दुई जनाको मृत्यु भएको छ । देशको दक्षिणी र मध्य भागमा भूकम्पको धक्का महसुस गरिएको थियो ।
शुक्रबार साँझसम्म स्थानीय समय अनुसार दुई जनाको मृत्यु र धेरै घाइते भएको बताइएको छ । भूकम्पको केन्द्रबिन्दु दक्षिण पश्चिमी राज्य गुरेरोको सान मार्कोस नजिकै थियो, जुन लोकप्रिय पर्यटकीय सहर अकापुल्कोको नजिकै थियो ।
गुरेरोका गभर्नर एभलिन साल्गाडोले राज्यमा एक ५० वर्षीया महिलाको मृत्यु भएको बताए । यसैबिच मेक्सिको सिटीका मेयर क्लारा ब्रुगाडाले ६० वर्षीय पुरुषको मृत्यु भएको पुष्टि गरेका छन् ।
भूकम्पमा परेर १२ जना घाइते भएको पनि बताइएको छ । ब्रुगाडाका अनुसार, शुक्रबारको भूकम्पपछि पनि पराकम्पहरू महसुस भइरहेको छ । न्युज एजेन्सी नेपाल
