नेपाल क्रिकेट संघ (क्यान) ले सन् २०२६ मा हुने आइसीसी टी २० पुरुष विश्वकपको तयारीका लागि प्रारम्भिक टोलीको घोषणा गरेको छ। क्यानले विश्वकप लक्षित ‘क्याम्प’ (बन्द प्रशिक्षण)का लागि २४ जना खेलाडीलाई बोलाएको हो।
क्यानले सार्वजनिक गरेको सूचीमा कप्तान रोहित पौडेलसहित सन्दीप लामिछाने, दीपेन्द्रसिंह ऐरी, सोमपाल कामी लगायतका अनुभवी खेलाडीहरू यथावत् छन्। टोलीमा आदिल अन्सारी, ईशान पाण्डे, शेर मल्ल र रुपेश के सिंह जस्ता खेलाडीहरूलाई पनि समेटिएको छ। भारत र श्रीलंकामा संयुक्त रूपमा आयोजना हुने आगामी टी(२० विश्वकपलाई मध्यनजर गर्दै क्यानले अहिलेदेखि नै प्रशिक्षण सुरु गर्न लागेको हो।
