अन्तर्राष्ट्रिय टी-२० श्रृङ्खलाको दोस्रो खेलमा नेपालले मलेसियामाथि ६ विकेटको जित निकालेको छ। आज भएको खेलमा सुरुमा ब्याटिङ गरेको मलेसियाले दिएको ९२ रनको लक्ष्य नेपालले १६.२ ओभरमा चार विकेटको क्षतिमा ९३ रन बनाउँदै पूरा गरेको हो। नेपालको जितमा पूजा महतोले ३९ र कप्तान इन्दु बर्माले २७ रन जोडिन् ।
मलेसियालाई सस्तैमा समेट्न नेपालका लागि समु विष्टले दुई र कविता कुँवरले एक विकेट लिइन् । यससँगै पाँच खेलको अन्तर्राष्ट्रिय टी-२० श्रृङ्खलाको दोस्रो खेलमा नेपाल विजयी भएसँगै सिरिजमा १/१ को बराबरी भएको छ ।
