करिब एक किलो सुनसहित त्रिभुवन अन्तर्राष्ट्रिय विमानस्थलबाट भारतीय नागरिक ४८ वर्षीय रोनक मदनी पक्राउ परेका छन् ।
उनलाई मंगलबार दिउँसो विमानस्थलको भन्सार एरियाबाट ८ सय ३५ ग्राम अवैध सुन सहित पक्राउ गरिएको प्रहरीले बताएको छ । भारतको मुम्बईबाट इन्डिगो एयरमार्फत् काठमाडौं आएका उनलाई आगमन भन्सार एरियामा जाँच गरिएको थियो ।
प्रहरीलाई शंका लागि नियन्त्रणमा लिई केएमसी अस्पतालमा लगेर भिडियो एक्सरे गर्दा मलद्वारमा ३ वटा डल्लामा रहेको सुन फेला परेको थियो ।
उनलाई आवश्यक अनुसन्धान तथा कारबाहीका लागि त्रिभुवन विमानस्थल भन्सार कार्यालय गौचर बुझाइने छ ।
