चक्रवाती आँधी फेङ्गल तमिलनाडु र पुडुचेरीको तटमा पुगेको छ । भारतीय मौसम विज्ञान विभाग (आईएमडी) का अनुसार आँधी शनिबार राति १०: ३० देखि ११: ३० बजेको बिचमा यी तटहरूमा पुगेको थियो।
आईएमडीका अनुसार यस अवधिमा हावाको गति ७० देखि ८० किलोमिटर प्रतिघण्टादेखि ९० किलोमिटर प्रतिघण्टासम्म हुन सक्छ। फेङ्गल आँधी बिस्तारै पश्चिम र दक्षिण पश्चिम दिशातर्फ सर्ने मौसम पूर्वानुमान महाशाखाले जनाएको छ । अबको केही घण्टामा आँधी क्रमशः कमजोर हुँदै जाने महाशाखाले बताएको हो ।
मौसम विभागको पछिल्लो अपडेट अनुसार, फेङ्गल उत्तरी तटीय तमिलनाडु र पुडुचेरीमा दिउँसो व्यावहारिक रूपमा स्थिर रहनेछ। यस अवधिमा हावाको गति ६५.७५ किलोमिटर प्रतिघण्टादेखि ८५ किलोमिटर प्रतिघण्टासम्म रहनेछ। चेन्नई र कराइकलमा डप्लर मौसम राडार मार्फत आँधीको निगरानी भइरहेको छ। फेङ्गलका कारण शनिबार चेन्नईमा ११.४ सेन्टिमिटर र पुडुचेरीमा ३९ सेन्टिमिटर वर्षा भएको थियो। शनिबार, चेन्नई सहित धेरै क्षेत्रमा भारी वर्षाका साथै डुबान भएको थियो।
तमिलनाडु सरकारले स्कुल र कलेजमा बिदा दिने र माछा मार्नेहरूलाई समुद्रमा नजान निर्देशन दिएको छ । तमिलनाडु र पुडुचेरीमा प्रशासन उच्च सतर्कतामा छ र शैक्षिक संस्थाहरूलाई कुनै पनि प्रकारको परीक्षा वा विशेष कक्षाहरू सञ्चालन नगर्न भनिएको छ।
फेङ्गलका कारण तमिलनाडुका धेरै ठाउँमा भारी वर्षाको रेड अलर्ट जारी गरिएको छ। भारी वर्षाका कारण धेरै उडान रद्द गर्नुपरेको छ । एजेन्सी
