लाओसमा मिथानोल विषाक्तताका मर्ने पर्यटकको सङ्ख्या ५ पुगेको छ । शुक्रवार दोस्री अस्ट्रेलियाली किशोरीको पनि मृत्यु भएको छ । लाओसमा विषाक्त रक्सी सेवनका कारण यी मृत्युहरू भएका हुन् ।
उनको मृत्युको पुष्टि गर्दै १९ वर्षीय होली बावल्सको परिवारले आफूहरू अति नै दुःखित भएको बताएका छन् । लाओसको पर्यटकीय शहर भाङ भेइङ्गमा उनी बिरामी परेको एक हप्ताभन्दा धेरै भइसकेको थियो ।
बावल्सको साथी १९ वर्षकी बायन्का जोन्स, २८ वर्षीय बेलायती वकिल सिमाने ह्वाइटको पनि विषालु रक्सी पिएकै कारण बिहीबार मृत्यु भएको थियो । मर्नेमा १९ वर्षको नाम नखुलेका अमेरिकी र २० वर्षकी डेनिश महिला पनि छन् । एजेन्सी
