कञ्चनपुरमा तास खेलिरहेको अवस्थामा २३ जना पक्राउ परेका छन्।भीमदत्त नगरपालिका-१ बराकुण्डा रौटेलास्थित रौटेला खोला किनारमा झाडीभित्र तास खेलिरहेका बेला १३ जनालाई पक्राउ गरिएको प्रहरीले जनाएको छ। उनीहरूका साथबाट ४ लाख ७४ हजार ९८ र १४ गड्डी तास बरामद भएको छ।
यस्तै, वेदकोट नगरपालिका-७ सुडामा तास खेलिरहेका ४ जनालाई पक्राउ गरिएको प्रहरीले जानकारी दिएको छ। न्यु हाइवे वाइन्स एन्ड क्याफेमा तास खेलिरहेका बेला पक्राउ परेका उनीहरूका साथबाट २६ हजार २५० बरामद भएको प्रहरीले जनाएको छ।
दोधारा चाँदनी नगरपालिका-१ भूमिराज टोलमा पनि तास खेलिरहेका ६ जना पक्राउ परेका छन्। उनीहरूका साथबाट २५ हजार १ सय ७५ रुपैयाँ र एक गड्डी तास बरामद गरिएको प्रहरीले जनाएको छ।
