समाचार
टिपरको ठक्करबाट आमाको मृत्यु, छोरा घाइते
०
![Banner](https://narayanionline.com/wp-content/uploads/2022/06/accident.jpg)
विराटनगर, असार १७-
मोरङको उर्लाबारीमा टिपरको ठक्करबाट एक जनाको मृत्यु भएको छ । उर्लाबारी नगरपालिका ६ गोपाल चोककी सीता बोहराको मृत्यु भएको जिल्ला प्रहरी कार्यालय मोरङका प्रहरी उपरीक्षक नवराज कार्कीले जानकारी दिए । उनका अनुसार सीताका छोरा प्रशान्त गम्भीर घाइते भएका छन् ।
८ वर्षका प्रशान्तको मदन भण्डारी ट्रमा सेन्टरमा उपचार भइरहेको प्रहरी उपरीक्षक कार्कीले बताए । प्रदेश ०३ –००१ क १०९० नम्बरको टिपरले प्रदेश १–०१०१४ प ६८३३ नम्बरको स्कुटरलाई ठक्कर दिएको थियो । टिपरको ठक्करबाट सीताको घटनास्थलमै मृत्यु भएको प्रहरीले जनाएको छ । टिपर र चालकलाई प्रहरीले नियन्त्रणमा लिएको छ । दुर्घटनापछि स्थानीयले इलाका प्रहरी कार्यालय उर्लाबारी अगाडि नाराबाजी गरेका छन् ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
ताजा समाचार
छुटाउनु भयो कि?
>