अझै केही दिन तराईका भूभागहरूमा अत्यधिक गर्मीको सम्भावना छ । सुदूरपश्चिम र लुम्बिनी प्रदेशका तराई भूभागका कतिपय स्थानमा केही दिनयता अधिकतम तापक्रम ४० डिग्री सेल्सियस वा त्योभन्दा बढी मापन गरिएको मौसम पूर्वानुमान महाशाखाले जनाएको छ ।
महाशाखाका अनुसार, ती भूभागमा अबका तीन दिन (जेठ २६ देखि जेठ २८ गते) सम्म तातो हावा तथा तातो लहरको सम्भावना छ । त्यसको असरबाट जोगिन आवश्यक सतर्कता अपनाउन महाशाखाले सुझाव दिएको छ । महाशाखाले यो वर्ष तातो दिन तथा तातो लहरसम्बन्धी शनिबार आठौँ विशेष बुलेटिन जारी गरेको हो ।
