प्युठानमा बेवारिसे नवजात शिशु फेला परेको छ । प्युठानको जुम्रीमा रहेको होटेल आयुष्मा नजिकैको छाप्रोमा बेवारिसे नवजात शिशु (छोरी) फेला परेको हो ।
बुधबार बिहान करिब ७ बजेको समयमा सालनाल सहित कपडाले छोपेर झोलुङ्गोमा राखेको अवस्थामा शिशु फेला परेको प्रहरीले जनाएको छ ।
शिशु जिवित रहेको र अहिले जिल्ला अस्पताल विजुवारमा उपचार भइरहेको जिल्ला प्रहरी कार्यालय प्युठानका प्रहरी निरीक्षक तथा सूचना अधिकारी हुमानन्द खनालले जानकारी दिए ।
