देश/प्रदेश
काँठ क्षेत्र: रित्तिँदै हरियाली, थपिँदै प्लटिङ (फोटोफिचर)
काठमाण्डौ, मंसिर १६-
सहरबजारदेखि बाहिरको गाउँबस्ती अर्थात् कछाड क्षेत्रलाई काँठ क्षेत्रको रुपमा चिन्ने गरिन्छ ।
काँठको रहनसहन थोरै सहरियाजस्तो देखिन्छ, थोरै ग्रामीण जीवनशैलीजस्तो देखिन्छ । सामान्य भाषामा काँठ भनेको सहर पनि होइन र गाउँ पनि । काठमाण्डौ उपत्यकामा चक्रपथभन्दा बाहिरको ग्रामीण क्षेत्रलाई काँठ भनिन्छ । काँठको जनजीवन सदियौँदेखि आफ्नै प्रकारले चल्दै आएको मानिन्छ ।
तर बिस्तारै काँठ क्षेत्रको स्वरुप परिवर्तन हुँदै गएको छ । झन्डै एक दशकको अवधिमा काँठ क्षेत्रको स्वरुपमा निक्कै परिवर्तन आएको देखिन्छ ।
काँठको हरियाली सकिँदै गएको छ भने यो क्षेत्र प्रदूषित बन्दै गएको छ। काँठ क्षेत्रमा जग्गा खरिद–बिक्री अस्वाभाविक रुपमा बढेको छ। आधुनिकताको नाममा जग्गा प्लटिङ गर्दा प्राकृतिक सौन्दर्यताको दोहन भएको यत्रतत्र देख्न सकिन्छ । न्युज एजेन्सी नेपाल
न्युज एजेन्सी नेपालले तयार पारेको फेरिएको काँठ क्षेत्रको केही तस्बिरहरु ।