नेपाली कांग्रेस कोशी प्रदेशका सांसद उद्धव थापाले केदार कार्कीलाई मुख्यमन्त्री बनाउँदा पार्टीभित्र झगडा गरेका ८ जना सांसदहरूसँग कुरा मिलिसकेको बताएका छन्।
मुख्यमन्त्री कार्कीसहित कांग्रेसका ८ सांसद र नेकपा (एमाले) का ३९ सांसदको समर्थनमा कार्की मुख्यमन्त्री भएका थिए।
उनले कांग्रेसका ८ जनाले पार्टीभित्र झगडा गरे पनि यो विषय मिलिसकेको बताए।
बुधबार प्रदेश सभामा बोल्दै उनले पार्टीका ८ जना सांसदले झगडा गरेको पनि बताए। ‘८ जना सांसदले पार्टीभित्र झगडा गर्नुभयो। कुण्ठा पोख्नुभयो,’ उनले भने, ‘उहाँहरू युद्ध जितेर घरमा आएपछि हामीले गाला जोड्यौं।’
