काठमाडौं महानगरपालिकाले वर्षेनी १५ हजार जनालाई सीपमूलक तालिम दिने भएको छ। आइतबार (आज) सामाजिक सञ्जाल मार्फत महानगरका प्रमुख बालेन शाहले वर्षेनी १५ हजार जनालाई सीपमूलक तालिम दिने र यीमध्ये पाँच हजारलाई रोजगारी दिने जानकारी दिएका हुन्। शाहले बेरोजगार समस्यालाई तीन वर्षभित्र समाधान गर्ने गरी रोजगारी तथा आय वृद्धि योजना ल्याइएको बताएका छन्।
बालेनले भनेका छन्, ुमहानगरको बेरोजगार समस्यालाई ३ वर्ष भित्र समाधान गर्ने गरी रोजगारी र आय वृद्धि काठमाण्डौको संवृद्धि गौरव योजना तथा श्रम बैंक स्वर्णिम योजना सञ्चालन मा ल्याएको छ। हरेक बर्ष कम्तीमा १५००० जना लाई सीपमूलक तालिम दिने र कम्तीमा ५००० नयाँ रोजगारी सृजना गर्ने लक्ष्यका साथ रोजगारी र आय वृद्धि काठमाण्डौको संवृद्धि गौरव योजना ल्याइएको हो।
महानगरमा रहेका दक्ष, अर्धदक्ष तथा अदक्ष कामदार र रोजगार दातालाई एउटै प्लेटफर्ममा ल्याई श्रम बैङ्कको स्थापना गरेर रोजगारी अवसर बढाउने उनले बताएका छन्।
