वनमा लागेको आगो निभाउने क्रममा जाजरकोटमा एक जनाको मृत्यु भएको छ । जाजरकोटको भेरी नगरपालिका(७ मा आगो निभाउने क्रममा जलेर सामुदायिक वनका अध्यक्षको ज्यान गएको हो ।
भेरी नगरपालिका ७ का वडाध्यक्ष दीपबहादुर शाहीका अनुसार हिजो दिउँसो सामुदायिक वनमा लागेको आगो निभाउने क्रममा पातिहाल्न सामुदायिक वनका अध्यक्ष दलजित कार्कीको जलेर ज्यान गएको छ । आगो निभाउँदा जलेर घाइते भएका कार्कीको अस्पताल लैजाने तयारी गर्दा गर्दै ज्यान गएको थियो।
