नागरिक उन्मुक्ति पार्टीले आगामी वैशाख १० गते हुने उपनिर्वाचनमा तीनवटै क्षेत्रमा उम्मेदवार उठाउने भएको छ। सत्तारुढ १० दलीय गठबन्धनमा रहेको उन्मुक्ति पार्टीले अन्य कुनै दललाई पनि समर्थन नदिने जनाउँदै तीनवटै निर्वाचन क्षेत्रमा उम्मेदवारी दर्ता गराउन लागेको हो ।
सो पार्टीका नेता लक्ष्मण थारुका अनुसार बारा–२ मा रामचन्द्र चौधरी, चितवन–२ मा राजेश अधिकारी र तनहुँ–१ बाट भीम सुनारलाई पार्टीले उम्मेदवार बनाएको र सोमवार सम्बन्धित मुख्य निर्वाचन अधिकृतको कार्यालयमा उम्मेदवारी मनोनयन गरिनेछ । बैशाख १० गते हुन गईरहेको उपनिर्वाचनका लागि आज उम्मेदवारी दर्ता हुँदैछ ।
