ज्योति लाइफ इन्सुरेन्स कम्पनीले आज एक दिने अभिकर्ता आधारभूत तालिम गरेको छ ।
नरायणगढको कमलनगर स्थित शाखा कार्यालयमा सम्पन्न तालिममा १६ जना नयाँ अभिकर्ताहरुको सहभागिता रहेको थियो ।
सो अवसरमा कम्पनीका एरिया सेल्स म्यानेजर ईश्वर बिकल सापकोटाले सहभागीहरुलाई नेपालमा जीवन बीमाको इतिहास र विकासक्रमका साथै ज्योति लाइफका विशेषताहरुबारे जानकारी गराएका थिए । शाखा प्रबन्धक मुकुन्द भुसालले सहजीकरण गरेको तालिममा सञ्जय पुडासैनीले स्वागत गरेका थिए । कार्यक्रममा कम्पनीका सिनियर एजेन्सी म्यानेजर प्रेम ढकाल र छोटो समयमा उत्कृष्ट ब्यवसाय गर्ने एजेन्सी म्यानेजर दिपकराज न्यौपानेलाई सम्मान गरिएको थियो ।
