नेकपा (एमाले) ललितपुर अध्यक्षमा दुई जनाले दाबी गरेका छन् । शुक्रबार आठौं अधिवेशन सुरु भएसँगै चेतनाथ सञ्जेल र पुरुषोत्तम आचार्य अध्यक्षका लागि तीव्र दौडधुपमा छन् ।
नेताहरुले भने सहमतिबाटै नेतृत्व टुंग्याउन प्रयास गरिरहेका छन् । सातदोवाटोस्थित एक पार्टी प्यालेसमा सुरु हुने बन्दसत्रमा सहमतिको प्रयास हुनेछ ।
चेतनाथ आफ्नो पक्षमा दुईतिहाई रहेको प्रचार गर्दै आइरहेका छन् भने पुरुषोत्तम ललितपुर-१ मा समेत गत मंगलबार भएको प्रतिनिधि छनोटपछि आफू बलियो बनेको तर्क गर्न थालेका छन् ।
एमालेले शुक्रबार ६१ वटा जिल्लामा अधिवेशन सुरु गरेको थियो । ती जिल्लामा नयाँ नेतृत्व चयन भइरहेको छ ।
