५७ जिल्लामा रहेका १२ देखि १७ वर्ष उमेर समूहका किशोर/किशोरीलाई सरकारले भोलिदेखि पुस १४ गते सम्म कोरोना विरुद्धको मोडर्ना खोप दिइँदैछ।
स्वास्थ्य तथा जनसंख्या मन्त्रालयको अनुसार विद्यार्थी बालबालिकालाई विद्यालयबाटै खोप दिने तयारी सरकारले गरेको हो।
प्रदेश १ का ११, प्रदेश २ का पाँच, बागमतीका सात, गण्डकी, लुम्बिनी, कर्णालीका नौ नौ जिल्ला र सुदूरपश्चिम प्रदेशका सात जिल्ला गरी ५७ जिल्लाका सबै किशोर/किशोरीलाई मोडर्ना खोप दिन लागिएको छ।
त्यस्तै बाँकी २० जिल्लामा भने फाइजर खोप लगाउने मन्त्रालयले जनाएको छ।
