अन्ततः लामो समय माधव नेपाल समूहमा रहेकी नेतृ अष्टलक्ष्मी शाक्य नेकपा (एमाले) बागमती प्रदेशको संसदीय दलको नेतामा चुनिएकी छन् ।
माधव नेपालले आजै पार्टी फुटाउने निर्णय गरेलगत्तै उनी संसदीय दलको नेतामा चुनिएकी हुन् । उनी अब बागमतीको मुख्यमन्त्री बन्ने छिन् ।
बागमतीका मुख्यमन्त्री समेत रहेका संसदीय दलका नेता डोरमणि पौडेलले राजीनामा दिएसंगै शाक्य नयाँ दलको नेता बनेकी हुन् । यो संगै शाक्य माधव नेपाल समूहमा नलाग्ने स्पष्ट भएको छ ।
