काठमाडौं , भदौ २ – अफगानिस्तानको राजधानी काबुलबाट क्यानडाले एकसय जना नेपालीलाई उद्दार गरेको छ । क्यानडेली संचारमाध्यमका अनुसार काबुलबाट उद्दार गरिएको ती नेपालीलाई केही दिनमै काठमाडौं ल्याइने छ ।
क्यानडेली प्रधानमन्त्री जस्टिन ट्रुडोको भनाई अनुसार क्यानडाले गोर्खालीको उद्दारका लागि एक बेलायती नीजि सेक्युरिटी कम्पनीसँग मिलेर काम गरिरहेको पनि बताए । ‘गोर्खालीले हामीलाई सहयोग गरेका छन् यसकारण कम्पनीसँग मिलेर हामीले उद्दारको काम गरिरहेका छौं’ उनले भने ।
१५ वर्षदेखि गोर्खालीहरु विभिन्न सेक्युरिटी कम्पनीमार्फत क्यानडाको दूतावासमा काम गरिरहेका छन् । क्यानडाले केही कूटनीतिज्ञ बाहेक अन्य सबैलाई मंगलबारसम्म काबुलबाट उद्दार गरेको छ ।
क्यानडाले ती नेपालीलाई उद्दार गरि मंगलबार बिहान दुबईमा लगेर राखेको छ । उद्दार गरिएका नेपालीले समेत क्यानडाले यसका लागि धन्यवाद दिएका छन् ।
